jalve havā ke dosh ye koī ghaTā ke dekh
maiḳhāne uḌte phirte haiñ manzar fazā ke dekh
kyuuñ shān-e-husn ā.ina-ḳhāne meñ jā ke dekh
'az.har' ko apne husn kā maz.har banā ke dekh
mahsūr ho ga.ī hai tajallī nigāh meñ
ab to mirī nigāh se dāman bachā ke dekh
kyā jaane kis maqām ye qismat chamak uThe
māyūs kyuuñ hai dast-e-talab to baḌhā ke dekh
zarroñ se phuuT niklegī ulfat kī raushnī
yaaro na ho to ḳhaak meñ dil ko milā ke dekh
sad-rashk zindagī hai havādis kā aa.ina
'az.har' is aa.ine meñ zarā muskurā ke dekh