Yagana Changezi

hanuz dard-e-judai-e-yar baqi hai

Yagana Changezi

Patna, Bihar, India

1884-1956

hanūz dard-e-judā.ī-e-yār baaqī hai

khaTak rahā thā jo dil meñ vo ḳhaar baaqī hai

na qais hai na vo mahmil-savār baaqī hai

bas ik ġhubār faqat yādgār baaqī hai

sharāb-e-aish kisī shab huī thī mujh ko nasīb

usī sharāb ab tak ḳhumār baaqī hai

kabhī to shām-e-musībat sub.h aa.egī

agar ye gardish-e-lail-o-nahār baaqī hai

nigāh-e-lutf se saaqī hamīñ raheñ mahrūm

udhar bhī dekh ik ummīd-vār baaqī hai

bahār aa.egī phir 'yās' nā-umīd na ho

abhī to gulshan-e-nā-pā.edār baaqī hai

Top Urdushayar.com