Khalid Mahmood Amar

koi darpesh jab safar aaya

Khalid Mahmood Amar

koī darpesh jab safar aayā

terā chehra bhī baam par aayā

lag ke chilman se jhāñknā bāhar

yaad vo adh-khulā dar aayā

mere sayyād ko bhī hairat hai

kyuuñ na maiñ bhī lahū meñ tar aayā

dekh saare jahāñ ko Thukrā kar

terā dīvāna tere ghar aayā

tere dar se shifā mile sab ko

ik 'umar' shikasta-tar aayā

Top Urdushayar.com