Rind Saghari

saba gulon ki har ek pankhuDi sanwarti hai

Rind Saghari

sabā guloñ har ik pañkhuḌī sañvārtī hai

ajiib Dhañg se ye aartī utārtī hai

ufuq pe phir ubhar aa.e haiñ tīrgī ke nasheb

umiid jiitī huī dil baazī hārtī hai

lahak ke guzrī hai kuchh yuuñ murād ḳhushbū

ki ruuh phir dil-e-hassās ko pukārtī hai

ḳhamosh shahr sunsān sard rātoñ meñ

tumhārī yaad mire saath shab guzārtī hai

charāġh-e-hasrat-o-armāñ jalāo.ge kaise

havā-e-dahr to rah rah ke phūñk mārtī hai

sajā.e haiñ baḌī mushkil se 'rind' palkoñ par

jinheñ tum ashk samajhte ho dil aartī hai

Top Urdushayar.com