TukḌe TukḌe jab baT jā.ūñ shaam ga.e
din kā saarā qarz chukā.ūñ shaam ga.e
ghar se chalte maiñ ne aksar sochā hai
shāyad hī maiñ luuT ke aa.uuñ shaam ga.e
saarā din is uljhan hī meñ biit gayā
kaise apnā dil bahlā.ūñ shaam ga.e
dhuup ke maare logoñ ko bhī sahrā meñ
mil jaatī hai peḌ kī chhāñv shaam ga.e
kis kāñdhe par ashk bahā.ūñ shaam ga.e
kis ko apne zaḳhm dikhā.ūñ shaam ga.e
par phailā.e murġhā bolā mīr-'ayāz'
jaagā mere man kā gaañv shaam ga.e