āñkheñ yuuñ barsīñ pairāhan bhiig gayā
tere dhyān meñ saarā sāvan bhiig gayā
ḳhushk mahāzo baḌh ke mujhe salāmī do
mere lahū kī chhīñToñ se ran bhiig gayā
tum ne mai pī chuur chuur maiñ nashshe meñ
kis ne nichoḌā kis kā dāman bhiig gayā
kyā namnāk hañsī dīvār-o-dar par thī
bachā khuchā sab rañg o roġhan bhiig gayā
sajnī kī āñkhoñ meñ chhup kar jab jhāñkā
bin holī khele hī sājan bhiig gayā