yahāñ ke rañg baḌe dil-pazīr hue haiñ
dayār-e-ishq ke hākim faqīr hote haiñ
har ek dil meñ to ye barchhiyāñ utartī nahīñ
koī koī to nazar ke asiir hote haiñ
hujūm-e-bul-havasī ke ghane añdheroñ meñ
kuchh aise ġham bhī haiñ jo dast-gīr hote haiñ
har aise-vaise se qufl-e-qafas nahīñ khultā
is imtihāñ ke liye kuchh haqīr hote haiñ
tumhāre shahr meñ kis ko hai jaan dene kā shauq
magar vahāñ bhī jo sāhab-zamīr hote haiñ