kaise afsūñ the vahāñ kaise fasāne the udhar
zindagī tujh se ta.alluq ke bahāne the udhar
kyā ajab ḳhvāb ke ḳhushbū ke Thikāne the udhar
ab to kuchh yaad nahīñ kaun zamāne the udhar
ye nahīñ yaad ki vo baaġh thā kis kūche meñ
is qadar yaad hai kuchh phuul khilāne the udhar
ek bastī thī huī vaqt ke andoh meñ gum
chāhne vaale bahut apne purāne the udhar
ham idhar aa.e to vo arz-e-karam chūTegī
mamlikat ishq kī thī ġham ke ḳhazāne the udhar