mahtāb fazā ke aa.ine meñ

dekhā thā ḳhudā ke aa.ine meñ

tum ḳhvāb se do-qadam nikal kar

chhup jaao duā ke aa.ine meñ

gahrā.iyāñ nāptā rahūñgā

dekhūñgā ḳhalā ke aa.ine meñ

is peḌ kā Dar batā rahā hai

tūfān-e-havā ke aa.ine meñ

chehrā hai magar tilism jaisā

chhup jaa.e Darā ke aa.ine meñ

chal ḳhvāb samet Duub jaa.eñ

poshāk haTā ke aa.ine meñ

maiñ kaash sitāre painT kar luuñ

aflāk banā ke aa.ine meñ