vo koī sach thā yā jhūTā koī fasāna thā
hameñ milā kyuuñ nahīñ jis ko ham ne chāhā thā
maiñ kyā kahūñ ki vo qātil thā yā masīhā thā
magar adāoñ se lagtā baḌā hī pyārā thā
hasīn aas ko in qurbatoñ ne toḌ diyā
sarāb niklā jise dariyā ham ne samjhā thā
mahak rahā hai abhī tak hinā.ī hāthoñ sā
hathelī pe jo mirā naam tum ne likkhā thā
mile the dost ka.ī raah meñ hasīn magar
kisī ko saath mire duur tak na chalnā thā