suune siyāh shahr pe manzar-pazīr maiñ
āñkheñ qalīl hotī huī aur kasīr maiñ
masjid kī sīḌhiyoñ pe gadāgar ḳhudā kā naam
masjid ke bām-o-dar pe amiir o kabīr maiñ
dar-asl is jahāñ ko zarūrat nahīñ mirī
har-chand is jahāñ ke liye nā-guzīr maiñ
maiñ bhī yahāñ huuñ is kī shahādat meñ kis ko lā.ūñ
mushkil ye hai ki aap huuñ apnī nazīr maiñ
mujh tak hai mere dukh ke tasavvuf kā silsila
ik zaḳhm maiñ murīd to ik zaḳhm piir maiñ
har zaḳhm qāfile kī guzargāh merā dil
rū-e-zamīñ pe ek lahū kī lakīr maiñ