har galī kūche meñ rone kī sadā merī hai
shahr meñ jo bhī huā hai vo ḳhatā merī hai
ye jo hai ḳhaak kā ik Dher badan hai merā
vo jo uḌtī huī phirtī hai qabā merī hai
vo jo ik shor sā barpā hai amal hai merā
ye jo tanhā.ī barastī hai sazā merī hai
maiñ na chāhūñ to na khil paa.e kahīñ ek bhī phuul
baaġh terā hai magar bād-e-sabā merī hai
ek TuuTī huī kashtī sā banā baiThā huuñ
na ye miTTī na ye paanī na havā merī hai