sher banānā mirā ḳhud ko banānā bhī hai

ye jo hai alfāz meñ merā zamāna bhī hai

tujh ko hai is dasht ko shahr banāne kī dhun

dekh isī dasht meñ terā divāna bhī hai

sub.h ke sho.ale ke saath ḳhud ko lagānī hai aag

shaam ke paanī ke saath ḳhud ko bujhānā bhī hai

us ko to mere sivā aur bhī kitne haiñ kaam

so use aanā to hai phir kahīñ jaanā bhī hai

ishq se baaz aa.e ham us se chalo kah ke aa.eñ

ab to mulāqāt kā ek bahāna bhī hai