tujhe ḳhabar ho to bol ai mire sitāra-e-shab
mirī samajh meñ to aatā nahīñ ishāra-e-shab
use maiñ ek musalsal charāġh kar detā
mirī giraft meñ hotā jo isti.āra-e-shab
maiñ ik charāġh kahāñ tak muzāhimat kartā
mire ḳhilāf thā kitnā baḌā idāra-s-shab
bahut se chāñd bahut se charāġh kam nikle
banāne baiThā jo maiñ raat goshvāra-e-shab
kisī bhī sub.h kā marham asar nahīñ kartā
ki har sahar hai yahāñ dūsrā kināra-e-shab