vahāñ maiñ jā.ūñ magar kuchh mirā bhalā bhī to ho
vo phuul bāġh-e-badan meñ khilā huā bhī to ho
ḳhudā ko pūjne lag jā.ūñ chhoḌ kar but ko
butoñ ke jaise badan vaalā vo ḳhudā bhī to ho
maiñ masjidoñ ke kināre se lauT aatā huuñ
kahīñ savāb kā dariyā bahā huā bhī to ho
bahut miThās bhī be-zā.iqa sī hone lagī
vo ḳhush-mizāj kisī baat par ḳhafā bhī to ho
use mujhe hī uThā kar gale lagānā thā
ki us ke paañv koī aur yuuñ paḌā bhī to ho