apnī zad par the khaḌe ham ko to bachnā kyā thā
jo huā Thiik huā aur to honā kyā thā
marte marte hī mire dard kī lazzat ke harīs
be-mudāvā jo na marte to mudāvā kyā thā
uf vo atrāf meñ phailī huī ashiyā kā hujūm
haa.e is shor meñ ik dil kā dhḌaknā kyā thā
be-dilī haa.e nazāra ki mujhe yaad nahīñ
sarsarī dekhā thā kyā aur na dekhā kyā thā
raat us bazm meñ tasvīr ke mānind the ham
ham se pūchhe to koī sham.a kā jalnā kyā thā