vo ek shaḳhs jo aañsū bahāne vaalā hai
tamām shahr kī ḳhushiyāñ charāne vaalā hai
abhī maiñ dekh ke aa.ī huuñ us kī aañkh ko
tumhāre shahar meñ sailāb aane vaalā hai
tumhārī āñkhoñ pe jā.ūñ ki hañste hoñToñ par
tumhārā Dhañg samajh meñ na aane vaalā hai
kahāñ haiñ duudh kī nahreñ nikālne vaale
yahāñ to jo bhī hai bāteñ banāne vaalā hai
maiñ ḳhush bahut huuñ ki sūraj nikal rahā hai 'qamar'
magar vo vaqt jo phūloñ pe aane vaalā hai