kyuuñ sā rahtā hai kyā sā rahtā hai
dil jo khoyā huā sā rahtā hai
ek sanāhaTe kā siine meñ
bhāgnā dauḌnā sā rahtā hai
maiñ kahīñ aa.uuñ maiñ kahīñ jā.ūñ
vaqt jaise rukā sā rahtā hai
sub.h kā dil kahīñ nahīñ lagtā
shaam kā dam ghuTā sā rahtā hai
dil ke aane kā dil ke jaane kā
ek dhaḌkā lagā sā rahtā hai
ai ḳhalish bol kyā yahī hai ḳhudā
ye jo dil meñ ḳhalā sā rahtā hai
kun hai darkār us ke hone ko
kaam vo jo zarā sā rahtā hai