maiñ kyā kahūñ ki ye kyūñkar udaas rahtā hai
tumhāre baad to dil mahv-e-yās rahtā hai
maiñ kyā karūñgā bhalā ziist bin tire jānāñ
kahīñ rahūñ maiñ ye dil bad-havās rahtā hai
na-jāne kaise aziyyat sameTtā hī rahā
vafā-shanās jo dil kī asaas rahtā hai
maiñ kyoñ kahūñ ki maiñ tanhā huuñ hijr kā maarā
vo ban ke ḳhushbū yahīñ ās-pās rahtā hai
maiñ ban ke us kī tamannā uḌā phirūñ tanhā
vo ban ke merī vafā kā libās rahtā hai