kuchh aur din abhī us jā qayām karnā thā

yahāñ charāġh vahāñ par sitāra dharnā thā

vo raat niiñd kī dahlīz par tamām huī

abhī to ḳhvāb pe ik aur ḳhvāb dharnā thā

matā-e-chashm-e-tamannā ye ashk aur ye ḳhaak

rag-e-ḳhayāl se is ko tulūa karnā thā

nigāh aur charāġh aur ye asāsa-e-jāñ

tamām hotī huī shab ke naam karnā thā

gurez kartī huī mauj āb-e-sar par thī

aur ek pal ke sire par mujhe Thaharnā thā