mujh se be-zāro na yuuñ sañg se maaro mujh ko
is se behtar hai ki patthar hī banā do mujh ko
kyā vahī huuñ maiñ abhī jis kī talab thī tum ko
mujh ko DhūñDo mire pahchānñe vaalo mujh ko
vaqt tezāb kī mānind jhulas de na kahīñ
apne ḳhākistar-e-māzī meñ dabā do mujh ko
mujh se shāmil haiñ ka.ī ḳhvāb-guzīñ sannāTe
aur nazdīk zarā aa ke sadā do mujh ko
fāsle kab kisī insān ko raas aa.e haiñ
tum jo bichhḌe ho to kis tarah na ġham ho mujh ko