zamīñ dī hai to thoḌā sā āsmāñ bhī de

mire ḳhudā mire hone kā kuchh gumāñ bhī de

banā ke but mujhe bīnā.ī kā azaab na de

ye hī azaab hai qismat to phir zabāñ bhī de

ye kā.enāt kā phailāv to bahut kam hai

jahāñ samā sake tanhā.ī vo makāñ bhī de

maiñ apne aap se kab tak kiyā karūñ bāteñ

mirī zabāñ ko bhī koī tarjumāñ bhī de

falak ko chāñd-sitāre navāzne vaale

mujhe charāġh jalāne ko sā.ebāñ bhī de