koī kisī se ḳhush ho aur vo bhī bārhā ho ye baat to ġhalat hai
rishta libās ban kar mailā nahīñ huā ho ye baat to ġhalat hai
vo chāñd rahguzar kā sāthī jo thā safar thā mo.ajiza nazar kā
har baar kī nazar se raushan vo mo.ajiza ho ye baat to ġhalat hai
hai baat us kī achchhī lagtī hai dil ko sachchī phir bhī hai thoḌī kachchī
jo us kā hādisa hai merā bhī tajraba ho ye baat to ġhalat hai
dariyā hai bahtā paanī har mauj hai ravānī ruktī nahīñ kahānī
jitnā likhā gayā hai itnā hī vāqi.a ho ye baat to ġhalat hai
ye yug hai kārobārī har shai hai ishtihārī raaja ho yā bhikārī
shohrat hai jis kī jitnī itnā hī martaba ho ye baat to ġhalat hai