be-nām sā ye dard Thahar kyuuñ nahīñ jaatā

jo biit gayā hai vo guzar kyuuñ nahīñ jaatā

sab kuchh to hai kyā DhūñDhtī rahtī haiñ nigāheñ

kyā baat hai maiñ vaqt pe ghar kyuuñ nahīñ jaatā

vo ek hī chehra to nahīñ saare jahāñ meñ

jo duur hai vo dil se utar kyuuñ nahīñ jaatā

maiñ apnī hī uljhī huī rāhoñ kā tamāsha

jaate haiñ jidhar sab maiñ udhar kyuuñ nahīñ jaatā

vo ḳhvāb jo barsoñ se na chehra na badan hai

vo ḳhvāb havāoñ meñ bikhar kyuuñ nahīñ jaatā