visāl aise bhī mahñgā paḌegā donoñ ko
bichhaḌne ke liye milnā paḌegā donoñ ko
phir aise tark-e-ta.alluq kā fā.eda kyā hai
jab ek kamre meñ rahnā paḌegā donoñ ko
ab is kahānī ko ik moḌ kī zarūrat hai
ab is kahānī meñ marnā paḌegā donoñ ko
ye jaan kar bhī ta.alluq baḌhānā Thiik nahīñ
ki agle saal bichhaḌnā paḌegā donoñ ko
qadam qadam pe zamāna milegā rāhoñ meñ
qadam qadam pe sambhalnā paḌegā donoñ ko