jhūTh kā bolnā āsān nahīñ hotā hai
dil tire ba.ad pareshān nahīñ hotā hai
sab tire ba.ad yahī pūchhte rahte haiñ mujhe
ab kisī baat pe hairān nahīñ hotā hai
kaise tum bhuul ga.e ho mujhe āsānī se
ishq meñ kuchh bhī to āsān nahīñ hotā hai
hijr kā zā.iqa liije zarā dhīre dhīre
sab kī thālī meñ ye pakvān nahīñ hotā hai
koī kirdār maza detā nahīñ hai us kā
jis kahānī kā tū unvān nahīñ hotā hai
hone ko kyā nahīñ hotā hai jahāñ meñ lekin
tum se milne kā hī imkān nahīñ hotā hai