jab bhī terī yādoñ kā silsila sā chaltā hai
ik charāġh bujhtā hai ik charāġh jaltā hai
shart-e-ġham-gusārī hai varna yuuñ to saaya bhī
duur duur rahtā hai saath saath chaltā hai
sochtā huuñ āḳhir kyuuñ raushnī nahīñ hotī
daaġh bhī ubharte haiñ chāñd bhī nikaltā hai
kaise kaise hañgāme uTh ke rah ga.e dil meñ
kuchh pata magar un kā āñsuoñ se chaltā hai
vo surūd-e-kaif-āgīñ soz-e-ġham jise kahiye
zindagī ke naġhmoñ meñ Dhalte Dhalte Dhaltā hai