ġham kamā.ī se chal rahā hai dil
kis DhiTā.ī se chal rahā hai dil
aap aa.e to mujh ko aisā lagā
ḳhush-numā.ī se chal rahā hai dil
varna andar se kuchh nahīñ baaqī
ḳhud-numā.ī se chal rahā hai dil
terā milnā shifā kā baa.is hai
is davā.ī se chal rahā hai dil
ishq meñ hijr kā sahārā hai
piir bhaa.ī se chal rahā hai dil
hijr ne daaġh dho.e āñkhoñ ke
is safā.ī se chal rahā hai dil
ġham ne khole qafas ki dar mujh pe
is rihā.ī se chal rahā hai dil