dayār-e-habs meñ bujhte hue charāġhoñ ko
zarā sahārā havā kā mile charāġhoñ ko
bujhe charāġhoñ kī sargoshiyoñ meñ ḳhatra hai
havā bhī kaan lagā kar sune charāġhoñ ko
dikhā na paa.eñ jo rasta kisī musāfir ko
to kyā kare koī rah meñ paḌe charāġhoñ ko
tumhāre bas meñ nahīñ hai to raushnī dūñgā
charāġh ban ke jo utre kahe charāġhoñ ko
palaT ke aa.e añdheroñ ko maat de kar ham
hamārī raah meñ koī rakhe charāġhoñ ko