mujhe kahāñ mire andar se vo nikālegā
parā.ī aag meñ koī na haath Dālegā
vo aadmī bhī kisī roz apnī ḳhalvat meñ
mujhe na pā ke koī ā.īna nikālegā
vo sabz Daal kā panchhī maiñ ek ḳhushk daraḳht
zarā sī der meñ vo apnā rāsta legā
maiñ vo charāġh huuñ jis kī ziyā na phailegī
mire mizāj kā sūraj mujhe chhupā legā
kuredtā hai bahut raakh mere maazī kī
maiñ chuuk jā.ūñ to vo uñgliyāñ jalā legā
vo ik thakā huā raahī maiñ ek band sarā.e
pahuñch bhī jā.egā mujh tak to mujh se kyā legā