tūfāñ se qarya qarya ek hue
phir ret se chehra chehra ek hue
chāñd ubharte hī ujlī kirnoñ se
uupar kā kamra kamra ek hue
almārī meñ tasvīreñ rakhtā huuñ
ab bachpan aur buḌhāpā ek hue
us kī galī ke moḌ se guzre kyā the
sab raahī rasta rasta ek hue
dīvār girī to andar sāmne thā
darvāza aur darīcha ek hue
jab vo paudoñ ko paanī detā thā
pas-manzar aur nazāra ek hue
kal āñkh-micholī ke khel meñ 'aḳhtar'
maiñ aur peḌoñ kā saaya ek hue