apne ghar se to chalā thā maiñ shikāyat le kar

us ke ghar pahuñchā magar us kī mohabbat le kar

ek ehsās-e-junūñ mujh ko liye jaatā hai

lauT aa.egā na.ī phir koī vahshat le kar

hijr kahte haiñ kise ye mujhe ma.alūm nahīñ

kyā karūñgā maiñ tujhe ai shab-e-furqat le kar

dil meñ rahtā hai koī jazba-e-sādiq kī tarah

koī aa.e to dikhāve kī mohabbat le kar

merā ghar hai ki farishtoñ kā koī maskan hai

kyā karūñgā maiñ kisī aur kī jannat le kar