itnā pur-josh mere dard kā dhārā to na thā
kyā pas-e-parda kahīñ qurb tumhārā to na thā
tum ne alqāb badal kar mujhe maktūb likhā
us taġhayyur meñ kahīñ talḳh ishārā to na thā
lāzima qat-e-marāsim se ye tafrīq huī
varna ye ishq mujhe aap se pyārā to na thā
baal khole hue kyuuñ aa ga.e parde ke qarīb
maiñ nai āvāz sunā.ī thī pukārā to na thā
ham to mauzūñ the kisī ālam-e-ulfat ke liye
zar kī duniyā meñ 'jalī' kaam hamārā to na thā