tuġhyānī se Dar jaatā huuñ
jism ke paar utar jaatā huuñ
āvāzoñ meñ bahte bahte
ḳhāmoshī se mar jaatā huuñ
band hī miltā hai darvāza
raat ga.e jab ghar jaatā huuñ
niind adhūrī rah jaatī hai
sote sote Dar jaatā huuñ
chāhe baad meñ maan bhī jā.ūñ
pahlī baar mukar jaatā huuñ
thoḌī sī bārish hotī hai
kitnī jaldī bhar jaatā huuñ
kitne dinoñ kī dahlīzoñ se
raat ke saath guzar jaatā huuñ