chāñdnī raat hai udāsī hai
koī chāñdī ho mail detī hai
us ke Dar hī se maiñ mohazzab huuñ
mere andar jo ek vahshī hai
shaam ko roz us se miltā huuñ
raat tanhā udaas kaTtī hai
log hañs-bol kar chale bhī ga.e
mez par chaa.e ab bhī rakkhī hai
zindagī yuuñ bhī zindagī Thahrī
kaTte kaTte bhī der lagtī hai
zālimo mujh ko dekh lene do
Thahar jaao ye us kī bastī hai
aao un se bhī mil hī leñ 'ābid'
ek duniyā to ham ne dekhī hai