ġham kā juzdān ho gayā huuñ maiñ
apnī pahchān ho gayā huuñ maiñ
ḳhushbūeñ bas ga.iiñ haiñ rag rag meñ
jaise gul-dān ho gayā huuñ maiñ
roz mujh meñ chitāeñ jaltī haiñ
ek shamshān ho gayā huuñ maiñ
koī mujh ko samajh nahīñ paatā
itnā āsān ho gayā huuñ maiñ
Thahartī hī nahīñ koī ḳhvāhish
qasr-e-vīrān ho gayā huuñ maiñ
merī chhoTī sī ik hukūmat hai
jis kā sultān ho gayā huuñ maiñ
Dho rahā huuñ maiñ ḳhud ko kāñdhoñ par
ek shamshān ho gayā huuñ maiñ
mujh kā patthar samajh ke mat toḌo
ab to insān ho gayā huuñ maiñ