Shubha Shukla Mishra adhar

an-suni karta nahin usko suna kar dekhna

Shubha Shukla Mishra adhar

Sitapur, Uttar pradesh, India

1977

an-sunī kartā nahīñ us ko sunā kar dekhnā

hausla rakh kar ḳhudā ko sach batā kar dekhnā

muntazir terī nigāheñ ruuh bhī bechain kuchh

hai hasīñ ye zindagī dil lagā kar dekhnā

ai ḳhizāñ chun le zarā ab āshiyāñ apnā kahīñ

ruuh meñ yādeñ basī haiñ sar jhukā kar dekhnā

hai yahī fariyād tujh se ābshār-e-zindagī

ḳhush rahe aalam 'adhar' ḳhud ko miTā kar dekhnā

Top Urdushayar.com