Saifuddin Saif

umr guzri meri shirini-e-guftar ke sath

Saifuddin Saif

Amritsar, Punjab, India

1922-1993

umr guzrī mirī shīrīnī-e-guftār ke saath

lab milā.e the kabhī maiñ ne lab-e-yār ke saath

ġham-e-jānāñ aziyyat ġham-e-duniyā azaab

zindagī maiñ ne guzārī baḌe āzār ke saath

gard meñ Duub gayā silsila-e-shām-o-sahar

vaqt bhī chal nahīñ saktā mirī raftār ke saath

mirī ḳhuddār tabī.at ne bachāyā mujh ko

merā rishta kisī darbār na sarkār ke saath

dekhnā kūcha-e-jānāñ meñ kahīñ 'saif' na ho

ek saayā nazar aatā hai dīvār ke saath

Top Urdushayar.com