shukr ham ne na kuchh shikāyat kī
baat hai apnī apnī ḳhaslat kī
aisā hamvār rāsta kab thā
kyā zarūrat thī utnī ujlat kī
kahtī rahtī hai būḌhī gumnāmī
kitnī chhoTī thī umr shohrat kī
yaas ummīd ġham ḳhushī ḳhvāhish
ghar meñ har chiiz hai zarūrat kī
haiñ muqaddar azaab ke mausam
koī rut ho nasīb rāhat kī
din-Dhale hogā jashn-e-tanhā.ī
iltijā hai ġhamoñ se shirkat kī
yaad aayā vo TuuT kar 'fārūq'
raat bārish thī kyā qayāmat kī