uljhī aqīdatoñ ke bayānāt ham-safar
jis raah bhī ga.e ye ḳharābāt ham-safar
muskil-tarīn ḳhvāhish-e-tahqīq kā safar
pur-ḳhār rāstoñ pe mukāfāt ham-safar
dil kī taḌap ke vāste mahbūb nā-guzīr
rāh-e-vafā meñ ġham ke kināyāt ham-safar
thī dar-ba-dar ye aql to us kī talāsh meñ
lekin qadam qadam pe ḳhurāfāt ham-safar
ik ham ki har paḌāv pe bechārgī kā saath
ik vo ki har-qadam pe karāmāt ham-safar
saath apne jalva jalva bhaTaktī huī nazar
be-tābiyoñ meñ shauq-e-mulāqāt ham-safar