mujh ko kahāñ gumān guzartā ki maiñ bhī huuñ
dekhā tumheñ to maiñ ne ye jaanā ki maiñ bhī huuñ
mere bhī baḳht meñ hai añdherā ki maiñ bhī huuñ
samjhe na raat ḳhud ko akelā ki maiñ bhī huuñ
ghar to bahā ke le gayā ḳhāshāk kī tarah
dariyā na chhoḌ mujh ko akelā ki maiñ bhī huuñ
ai kaash chīḳhtā use aatā to maiñ nazar
us sāhab-nazar ne na dekhā ki maiñ bhī huuñ
maiñ apnī dhun meñ kitnī bulandī pe aa gayā
koī nahīñ hai dekhne vaalā ki maiñ bhī huuñ