Parveen Fana Syed

jab banTana hi azab Thahra

Parveen Fana Syed

Lahore, Punjab, Pakistan

1936-2010

jab bāñTanā azaab Thahrā

phir kaisā hisāb māñgte ho

sab hoñToñ pe mohr lag chukī hai

ab kis se javāb māñgte ho

kaliyoñ ko masal ke apne hāthoñ

phūloñ se shabāb māñgte ho

har lafz salīb par chaḌhā kar

tum kaisī kitāb māñgte ho

sab raushniyoñ ko chhīn kar bhī

dīvānoñ se ḳhvāb māñgte ho

firdaus-e-barīñ meñ mil sakegī

is yug meñ sharāb māñgte ho

Top Urdushayar.com