sikhā.eñ dast-e-talab ko adā-e-bebākī
payām-e-zer-labī ko salā-e-ām kareñ
ġhulām rah chuke toḌeñ ye band-e-rusvā.ī
kuchh apne bāzu-e-mehnat kā ehtirām kareñ
zamīñ ko mil ke sañvāreñ misāl-e-rū-e-nigār
ruḳh-e-nigār se raushan charāġh-e-bām kareñ
phir uTh ke garm kareñ kārobār-e-zulf-o-junūñ
phir apne saath use bhī asīr-e-dām kareñ
mirī nigāh meñ hai arz-e-moscow 'majrūh'
vo sarzamīñ ki sitāre jise salām kareñ