ye kaisā khel hai ab us se baat bhī kar luuñ
kahe to jiit ko apnī maiñ maat bhī kar luuñ
ye iḳhtiyār mirā tujh ko jis tarah sochūñ
sahar ko yaad se aur dil se ghaat bhī kar luuñ
ye dukh bhī saath chalegā ki ab bichhaḌnā hai
agar safar meñ use apne saath bhī kar luuñ
kisī kā naam na luuñ aur ġhazal ke parde meñ
bayān us kī maiñ saarī sifāt bhī kar luuñ
tū merī zaat kā mehvar mirā madār bhī tū
ye musht-e-ḳhāk ise kā.enāt bhī kar luuñ