jaane kis liye rūThī aise zindagī ham se
naam tak nahīñ pūchhā baat bhī na kī ham se
dekho vaqt kī aahaT tez hotī jaatī hai
jo savāl baaqī haiñ pūchh lo abhī ham se
koī ġham idhar aa.e us ko ghūrtī kyuuñ hai
aur chāhtī kyā hai ab tirī ḳhushī ham se
ek bhūlī-bisrī yaad aaj yaad kyuuñ aa.ī
kyuuñ kisī ke milne kī aarzū milī ham se
us kī ek uñglī par ghūmtī rahī duniyā
chāñd kī tarah har shai duur ho ga.ī ham se