sar par thī kaḌī dhuup bas itnā hī nahīñ thā
us shahr ke peḌoñ meñ to saayā hī nahīñ thā
paanī meñ zarā der ko halchal to huī thī
phir yuuñ thā ki jaise koī Duubā hī nahīñ thā
likkhe the safar paañv meñ kis tarah Thaharte
aur ye bhī ki tum ne to pukārā hī nahīñ thā
apnī hī nigāhoñ pe bharosa na rahegā
tum itnā badal jāoge sochā hī nahīñ thā
kanda the mire zehn pe kyuuñ us ke ḳhad-o-ḳhāl
chehra jo mirī aañkh ne dekhā hī nahīñ thā