ab nahīñ koī Thikānā apnā
dost hai tū na zamāna apnā
chāhateñ haiñ na vo yādeñ baaqī
luT gayā haa.e ḳhazāna apnā
apnā hamdard na mūnis koī
aaj dushman hai zamāna apnā
thī kabhī shahar meñ us kī shohrat
sab se ūñchā thā gharānā apnā
rūThnā ham se vo us kā pal pal
har ghaḌī us ko manānā apnā
phir huī us kī tamannā paidā
phir kahā dal ne na maanā apnā
shā.irī ne kiyā rusvā 'ḳhusrav'
ho gayā aam fasāna apnā