sastī shohrat hāsil karne kūchoñ meñ chaubāroñ meñ
khoTe sikke uchhle uchhle phirte haiñ bāzāroñ meñ
haiñ kuchh aise log jo apne paisoñ se chhapvāte haiñ
auroñ ke kāñdhoñ pe chaḌh kar tasvīreñ aḳhbāroñ meñ
bhūkī nañgī jantā kab tak peT kā Dhol bajā.egī
bolo baabū kuchh to bolo kyā rakkhā hai na.aroñ meñ
bahtā paanī phuul kañval ke saath bahā le aatā hai
amn kī aashā naav banī hai dariyāoñ ke dhāroñ meñ
'ḳhusrav' ik aaseb ke Dar se ghar kā ghar sab kiil diyā
phir bhī ik aaseb hai zinda jism kī in dīvāroñ meñ