gale ham kyā mileñ us aadmī se
jo rakhtā hī nahīñ ulfat kisī se
shikāyat aap ko ham se bajā hai
magar majbūr haiñ ham dil-lagī se
hameñ bhī ghar kī zimmedāriyāñ haiñ
unheñ fursat bhī kab hai naukrī se
usī dam ho ga.ī hairān duniyā
khule jab raaz us kī Diary se
uThīñ haiñ uñgliyāñ chāroñ taraf se
maiñ guzrā jab kabhī terī galī se
zamāna le rahā hai aaj ibārat
tumhārī aur hamārī dostī se
kahāñ tak yaad rakkheñge vo 'ārif'
koī va.ada kiyā thā kal kisī se