himmat-e-ālī kā itnā to ziyāñ honā hī thā

jurm-e-gīhāñ-tāb ko be-ḳhānumāñ honā hī thā

ye to ai mātam-kanān-e-kushtagāñ honā hī thā

un muhim-jūyāñ ko ik din jāvedāñ honā hī thā

mar ke bhī yādoñ meñ jiinā chāhtā hai aadmī

aadmī kī zindagī ko imtihāñ honā hī thā

qismat qāmūsiyāñ har ahd meñ sar-gashtagī

tab to ummī.īn ko āḳhir zabāñ honā hī thā

shāhid-e-mahmil hai itnī qurbateñ ye dūriyāñ

haa.e vo jis kā muqaddar sārbāñ honā hī thā

sauñp kar miTTī ko miTTī lī havā ne apnī raah

mashġhala thā ḳhaak se dāman-fashāñ honā hī thā